أكسّر ف سماكي و أثـور
انتى الضـــي وانتى النـــور ... انتي بلدنــا واحلى الـــــدور
اسمك كلمة وملهاش سور ... شمسك غنوة ف عزف بحور
وازاي لما اشوفك تبكي ... مش عاوزانى أكون مطيــور
أخرج . أزعـق . أرفع صوتي ... أكسر ف سمـاكـي وأثـــور
أحمل فـوق كتفـي شوارعــك ... أكشـف عـن جرحي المستــور
أقـــول للنــاس الخير طينك ... وجناحك مش لاقــي طيـــــور
والنيـــل فيـكـي مواطــن عايــش ... لكن دايمــا مقهـــــــور
شايل علـــى ضهري تاريــخي ... ماشــى خايــف " ضسطور "
ياأهــل السلطة وأهــل المــال ... ياللي مربي فى بطونا نســـور
جوعنـــــا .. تعبتنا الآآآآه
والآآآآه بتمـــــد تمـــــــــــد
بتمـــــد لسابع جــــــــــــــد
والجـــد كـــان فرعونى ... بنى الهــرم ، وصبــح طرطـــور
كلمتنا ملهاش غير معنى ... والمعنى محبوس ف وجعنـــــــا
وجعى على وجعك يـابـا ... نزق ف دمعة ، ودمعة تفـــــــور
***
كريم بهي
أبريل 2010