*
أغنيــة " أنا مصري
ــــــــــــــــــ
انا مصري
شايفين هواها ف دموعي
دايب ما بين اوجاعي
كتمت صرخة ف ضلوعي
قلت دا مفيش داعي
وهمومي صبحت تنباع
بين ورقة وظرف وساعي
قلت بكرا له الف طريق
سدوا طريقنا .. كسروا شراعي
لا
يا نهار يا بعيد . بعيد عنا
ارجع بقي .. نور قناديلك
انا مصري
اوجاعنا .. كلها مصرية
دمانا .. كلها مصرية
قلوبنا وحدة وطنية
دي لاول مرة .. يااااااه
بتنفس .. أتنفس حرية
مش حاسس انك مش بلدي
ف شوارع ثورة مصرية
يا عيون العالم بشاورلك
صبحت لأوجاعي شخصية
بكرا ف عيني
بلدي ف قلبي
وروحي هدية ... للحرية
يا بلدنا .. بدمانا اتوضي
صليّ ع الكورنيش ، ف التحرير
صلي . فجرك الآتي كبير
يا بلدنا .. بناديلك
من غيرك مش راجعين
صرختنا بطول نيلك
لو نبقي بالسنين
انا مصري .. مش خايف اموت
خايف اعيش ميت
نفسي يبقالي صوت
طير له عش يبيت ..
و صحبي اللى مات ف المظاهرة
وبكرا اللي جاي ايده طاهرة
مفيش خوف ، مفيش رجوع
انا مصري
هموت .. أموت
دي لأول مرة بتنفس
أتنفس حرية
مش حاسس انك مش بلدي
ف شوارع ثورة مصرية
يا عيون العالم بشاورلك
صبحت لأوجاعي شخصية
بكرا ف عيني
بلدي ف قلبي
روحي هدية .... للحرية
**
الشاعر كريم بهي
ثورة 25 يناير 2011 م
**
الاغنية منشورة على موقع جردية الواقع
بتاريخ 24 فبراير 2011م
**
لقراءة الاغنية على موقع جريدة الواقع
اضغــــــــط هنــــــــــا
