طريقي مش بكرة
هى : هترجع ؟؟أنا : اللى بيروووح مبيرجعش
هي : بس انت لازم ترجع
انا : اتمنى
هي : بلاش التمني لانه من المستحيل
أنا : صدقينى كل شئ بقى مستحيل
هي : هاستناك
أنا : وانا كمان هستناكى ، هستناكى فى الماضى
انا طريقى مش بكرة
انا راجع تانى ، راجع لانبارح
هي : خدنى معاك عشان خاطري
انا : اخدك ازاى ؟ وانتى اصلا هنااك
دا انا راجع ليكى
راجع للدنيا اللى بحلم بيها
وعارف انى مش هلاقيها
بس اوعدك انى
هادور ، هادور عليها
ويوم يوم مالاقيها
عارف انها مش هتلاقينى
مش هتلاقينى
ساااامحييينى
قصيدة
شئ لا يموت
أقفُ علي بابِ المــوتْ
أنتظرُ
أنتظرُ أن أمــــوتْ
وأُضيع بقايا عمرى
فى متاهة الحزن
وسراديب السكوتْ
وأقــولُ
لآخر مرة ، أقــولُ
بقلب هذا الصــوتْ
الذى طالما قال
أحبكِ ، أحبكِ
أقــولُ
بعدكِ عنى
مرادف للمـــــوتْ
ابحثي عنه
فى قاموس باكر الضائع
من ذاكرة الحياة
واكتبى بأقلام رصاص
يسهل محوها
وكأنى كنتُ شيئاً
من حبكِ
وكأن حبكِ
شئٌ لا ، لا يمــوتْ
توقيع
كريم بهي؛
ديسمبر2007
2 comments:
حلو أوى البوست دة يا كريم
كلماته واحساسه وفكرتة
كنت هبكى بجد
تحياتى
ولن يموت يا كريم
فى الماضى او فى المستقبل
طالما كان حبا صادقا لن يموت
سيبقى ابد الدهر بداخلك
قد يعلوه الصدأ
قد يدفن تحت الرماد
لكنه دائما وابدا موجووووووووووووود
Post a Comment