لما كنت زمان
بقولك
بحبك
بحبك
كنت فاكر ان الحروف
تقدر تجمعنا سوا
ودلوقت بعد ما ضاع
منا الزمان
ورجعت احلامنا
ملفوفة فى قماش
ابيض حزنان
بفتكر الكلمة دي
ليه قولتها
من غير ما افكر يوم
انك
بتكرهينى
ايوا مش بتحبينى
ايوا بتكرهينى
زى ما قولتلى انبارح
بكرهك
**
لو كنتي زمان عرفتى
انك كنتي
أنا
ظلى انا
حبى انا
شعري انا
روحي انا
خيالى انا
اختراعي انا
ابداعي انا
وكمان حبة كسوف
دايبة فى مسكنة
وقال ايه
كانت بتحبنى
وقال ايه
كرهت الامكنة
والازمنة
كرهتنى انا
ورايحة تقول لقلبى
بكرهك
طيب هى المشاعر
راح تتحول
فى يوم وليلة
ولا كنت بتقولى بحبك
وكأنك بتلعبى جايمز
وتاكلى بليلة
مش عادي
الحب
مش عادي
الحب انسان
بيقول حب
الحب
وسكنى أنا وبلادي
ولانك بتكرهينى
ولانك مش حب
من النهاردا
ما انتيش بلادي
ما انتيش بلادي
وبكرهك
ولو ع الورق
هاصرخ واقووووول
ما انتيش بلادى
كريم بهي
8 comments:
ياااة يا كريم
كل ده حزن
انا بعيط
مش عارفه من الكلام ولا الاحساس
فى انسانه تقدر تبلغ بيها القسوه انها تقول لانسان اداها قلبه بكرهك
ازاى
اصلا قدرت تطلع على لسانها
واصلا انت عملت ايه علشان هى تقول باكرهك ؟
ليه ساعات بحس
ان الانسان الكويس الحساس
لازم لما يحب يحب نقيضه
تلاقيه مع حد مش فاهمه ولا مقدره
تلاقيه مع انسان مادى من غير احساس
لو حتى ع الورق يا كريم
اعلن انها مش بلدك
لان وطن الانسان لازم يبادله حب بحب
والا ما يستحقش يبقى وطن
دور على وطن تانى
يعرف قيمة حبك ليه
للابد
شرين
كريم
انا بعشق الشجن اللى بلاقية بين سطورك
بحس انى حزن راقى جدااا
بجد ما تستغربش زى ما فية انسان بيتعامل برقى وفية انسان تانى بيتعامل بهمجية
كمان فية احاسيس تحسها انها راقية واحاسيس تانية تحسها همجية
انتا بقة كل احاسيك راقية وبالذات حزنك بحسة انة حزن هادى مخزون جوة نفسك
ثم مين دة اللى بيقولك بكرهك
يابنى انتا لا يمكن حد يكرهك
وانا مع راىء شيرين
دور على بلد تانى تبقة
حاسس فيها بالحب والحنان وتحس فيها انها ملكك وهى ملكك
دور على بلد تانى تعرف قيمتك وتصون مشاعرك واحاسيسك الغالية دى
ورايىء انكما تتكتفيش انك تقولها ما نتيش بلدى على الورق لا
لازم تصارحها بدة لان من الواضح انها ما قدرتش القيمة اللى بين ايديها
دومت صديقى الوفىء جدااا جدااا يا كريم
نوراى
احمد ربنا انك هتسيبها واضح انها مش مستهلاك من الاول وكويس انه جت منها بس البلد ذنبها ايه معاك واضح انها متستهلش التشبيه ده مهما كانت درجه حبك ليها صح ولا انا غلطان
المهم قلبك هو الى يصرخ ويقولها
يقول: مانتيش بلادي ولا اماني
مانتيش الى تستاهلى ..لهفتي وحناني
مش مواساة بجد..بس أكيد هي الى خسرت وطن..كان هايحتويها ..ويخلص لها
والوطن دا قلبك
نصيحتي عزيزي..ترفق بقلبك, واحتضنه من الغربة..وانس من لم تكن يوما بلادك
مودتي
على فكرة يا كريم انت جبار اوى ايه يا عم ده نرفع القبعة
تحياتى
عمرو
على فكرة يا كريم انت جبار اوى ايه يا عم ده نرفع القبعة
تحياتى
عمرو
شيرين صديقتى وصديقة روحي الغالية جدا
***
نوراي يا احلى بلسم فى حياتى اجروحي
****
محمد او رومانتك حبيبى اللى دخل حياتى من باب قلبى
****
dr roufy كلماتك طبية جدا
****
انسان بلا عنوان اول مرة تزورني
****
فى الحقيقة تعليقاتكم كانت شيئا ما يشبه كثيرا شيئا اخر فى زى الملائكة التى جاءت باجنحتها البيضاء النورية تهفهف حول جروحي وتطبطب على ايامى وعمري
كلما قرأت حرفا زدت فى طريقى الى الباكر
وانسلخ مع الصبح من احزان الامس
هنا فى هذا الحادث الاليم لقلبى اختلط دم الحب بدم الحياة بدم نزار قبانى بدم ناجى وشوقى بدم افلاطون بدم عبدالصبور ودنقل بدم العندليب بدم المتنبى والحمدانى وابى تمام والرومي بدم انيس منصور بدم يوسف ادريس حتي بدم هتلر بدم بوش بدم جنكيز خان بدم الاسكندر بدم روميو بدم نيوتن وماكسويل واديسون وزيويل وبور والاخوان رايت بدم شكسبير بدم الشارع بدم الحواري بدم الشمس بدم الظلام بدم الكره بدم الرجال بدم الغلام بدم الحجارة بدم المششاعر بدم الانسان بدمى انا
كل هذى الدماء اختلط بجسد كلمة واحدة ولدت من فم فتاه
كلمة لا تبكي حين الولادة بل تبكينى انا
الا وهي
اكرهك
اكرهك
اكرهك
اشكركم ولتسامحونى على احزانى
كريم بهي
و هو كل حد يقول الكلمة دى تفتكر بيبقى قاصدها .؟؟
الكره دا جبل عظبم ..مفيش قلب يقدر يشيله ..
هى خجلانة تقولك انى بحبك بس زعلانة منك زعل لا يحتمل ..
أو مش قادرة أعيش الحياة الى بتمناها و انت الى مانعنى بوجودك
أو يا ريت إمشى بعيد عشان اتنفس
أو حبك دا مقدرش أرد عليه بحب و مشاعر
أو مش عايوة اقولك بحب حد غيرك ..
طب بذمتك اى واحدة من دول ...و لا كلمة أكرهك ؟!
أنا شخصيا متهيألى ان كلمة اكرهك أقل إيلاما ..
و برضو مش قصدها بكرهك ...
يا ابهى من البهاء
هون عليك
Post a Comment